Madaxweynaha Ruushka, Vladimir Putin, ayaa si kulul uga hadlay muhiimadda ilaalinta madaxbannaanida Ruushka dhanka siyaasadda, dhaqaalaha, iyo dhammaan heerarka nolosha. Wuxuu sheegay in madaxbannaanidu tahay tiirka ay ku taagan tahay dawladnimada, taas oo ku jirta qalbiga iyo dareenka muwaadiniinta Ruushka.
Hadalka Putin
Putin ayaa shirkiisa sannadlaha ah ee shacabka kula yeeshay si toos ah ugu sheegay:
“Madaxbannaanidu waa arrin aad u muhiim ah oo ay tahay inay ku jirto qalbiyadeenna. Haddii ay lunto madaxbannaanidu, way lumisaa dawladdu.”
Putin: Marka Dawladdu Lumiso Madaxbannaanida, Waxey Lumisaa Jiritaankeeda
Wuxuu carabka ku adkeeyay in xoojinta madaxbannaanida siyaasadeed ay tahay natiijada koboca dhaqaalaha iyo madaxbannaanida dhaqaale ee Ruushka.
Ganacsatada Shisheeye ee Ka Baxay Suuqa Ruushka
Putin wuxuu sheegay in shirkadaha shisheeye ee ka baxay suuqa Ruushka ay wax badan ku waayeen, halka soo-saareyaasha Ruushka ay fursad u heleen inay dhaqaale ahaan kor u qaadaan dalka, iyagoo xoojinaya madaxbannaanida dhaqaale ee Ruushka.
