sidee loo weyneeya naasaha ?

Naasahaygu way yar yihiin. sidee loo weyneeya naasaha ? Ma ka dhigi karaa inay ka weynaadaan?
Sida midabka isha ama dhererka, hiddo-wadahaaga ayaa go’aamiya cabbirka naaska. Haddii aad ku jirto kuraygaaga, naasahaagu wali way koraan oo way isbedelaan, laakiin sidoo kale waxa laga yaabaa inay gaadheen cabbirkoodii ugu dambeeyay. Ma ogaan doontid ilaa aad dhammayso koritaanka. Gabdhaha intooda badan, taasi waa da’da yarta ilaa horraanta labaatanaadyada.

Alaabooyin badan ayaa sheeganaya inay kor u qaadayaan cabbirka naaska, laakiin kaydi lacagtaada: ma shaqeeyaan. Gabdhaha qaarkood waxay ku faraxsan yihiin muuqaalkooda marka ay xirtaan rajastiinada . Kuwo kale waxay ogaadaan in qaababka qaarkood ee sare iyo lebbiska ay ka qurux badan yihiin kuwa kale.

Haddii aad ka welwelsan tahay xajmiga ama korriinka naasahaaga, la hadal dhakhtarkaaga ama dhakhtarka haweenka. Qof kastaa waxa uu maraa waqtiyo aanay jeclayn qaybo ka mid ah jidhkooda – waa qayb caadi ah oo la qabsiga jidhka is-beddelaya. Xitaa gabdhaha leh naasaha waaweyni waxay noqon karaan kuwo aan faraxsanayn waxayna jeclaan lahaayeen in naashoodu ay yaraadaan. Qaarkood waxay ogaadaan in dhabarkooda ama garbahooda ay dhaawacayaan ama in naasaha waaweyni ay soo jiitaan dareenka aan loo baahnayn.

Habka kaliya ee si joogto ah loogu bedeli karo cabbirka naaska waa qaliinka qurxinta, kaas oo la socda khatartiisa (iyo kharashkiisa). Dhakhaatiirtu inta badan waxay door bidaan in gabdhuhu ay sugaan ilaa koritaanku ka dhamaanayo ka hor inta aan la qalin.